ԾԵՐՈՒԹՅՈՒՆԸ՝ ԲՆԱՎՈՐՈՒԹՅԱՆ ԳԻԾ ՉԷ

Զբոսապուրակում, նստարանի վրա նստած էր մի ծերունի ու հանգստանում էր։ Մի որոշ ժամանակ անց, նույն նստարանին նստեցին երկու երիտասարդ տղա։ Նրանք ուշադրություն չէին դարձնում կողքին նստած ծերունուն ու շարունակում էին իրենց զրույցը։

— Երիտասարդներ, չեմ ուզում խանգարել ձեր զրույցը… — քաղաքավարի նրանց դիմեց ծերունին։

— Դե ուրեմն մի էլ խանգարի, — ընդհատեց նրան երիտասարդներից մեկը։

— Չեք հարգում դուք ծերերին…

— Իսկ ինչի՞ համար պետք է ձեզ հարգենք։ Դու, հայրիկ, լավ կլիներ հեռանայիր այստեղից, թե չէ շնչելու օդ չկա։

Ծերունին անմիջապես վեր կացավ, հենվեց իր ձեռնափայտին, ու պատասխանեց՝

— Ես իրականում շուտով կգնամ։ Իսկ ձեզ, երիտասարդներ, ես երկարակեցություն եմ մաղթում…

Գալինա Ստրելկովա